بايرامين تبريكي
+ به يه ن
عزيزلربايرامينيز موبارك ! نئچه بئله بايراملار . قوي بو يئني ايل سيزه و آيله نيزه سئوينج ، اوغور گتيرسين . بوتون كدرلي گونلرينيز بو ايلده قالسين . يئني ايلده گوزل و شن گونلره چيخاسيز
بؤلوم : يازي لار
یازار : علي عليش پور
باهارين گليشي
+ به يه ن
بولبوله وئردي خبر غنچه باهارين گليشين
شخته ني قوودو صبا تنديري قيزدي گونشين
چيله دي گؤز ياشيني گولشني گولدوردو بولود
اسن آغ يئل قروون قارلي قيشين چكدي ديشين
چيچگين آچدي اوزون قيلدي چراغان چمني
دؤشه دي داغ دؤشونه اوستا دوغا اؤز ال ايشين
آغ گئين ياسمني اؤپدو گلينليكده بولاغ
نازيله وئردي صبا مژده فراقين بيتيشين
يام ياشيل اويلاغينا سوردو سورويله قوزونو
توتگين چالدي چوبان چكدي دابانين چپيشين
تئلينين تارلاسيني يئغدي بوروندو بولودا
اوندا كي گؤردو گونش آينا بولاغلاردا ائشين
سالدي گؤي قورشاغي قول بوينونا جيرانلي داغين
قوجاغين آچدي قايا ايلك اؤپوشون وئردي پئشين
منده بير بولبول اولوب باغدا بوداغدا اوخورام
قارا گونلرده قارا قيش كيمي چكسه قميشين
خوش او آنلار كي آچار آرزي باغيندا گولوموز
اوخونار قورتولوشون نغمه سي دينلر له له شين
قايناق : وطن ديلي نيوز
بؤلوم : شعرلر
یازار : علي عليش پور
سيزه سلام گتير ميشم
+ به يه ن
سيزه سلام گتير ميشم
سرين سولو بولاقلاردان
ياشيل يارپاق بوداقلاردان
لاله رنگلي ياناقلاردان ، بال سوزولن دوداقلاردان
سيزه سلام گتيرميشم
گؤي خزرين كناريندان ، گؤزل اوتلار دياريندان
ساوالانين ووقاريندان ، كور اوغلونون نيگاريندان
سيزه سلام گتيرميشم
قوچ نبي نين هجريندن
ستارخانين هنريندن
بهرنگي نين شهر يندن ، دان اولدوزلو سحريندن
سيزه سلام گتيرميشم
قاطار قاطار دورنالاردان ، ياشيل باشلي سونالاردان هئ
آتالاردان ، بابالاردان ،آغ بير چكلي آنالاردان
سيزه سلام گتيرميشم
بؤلوم : شعرلر
یازار : علي عليش پور
سالام وباشلانيش
+ به يه ن
سلام دؤسلار اوميدكي بنده ني آرزوبلاك توپلاشيندا قبول ايده
سيز انشاالله سيزلن اؤلوب وگؤزل تورك شاعيرلرين آناشيرين
ديلينده يازديق لاري شعرلري يايماقدا چاليشاجاقام اوميديم وار
اؤز كمك لريزدن حقيره اسيرگميه سيز.
بؤلوم : يازي لار
یازار : علي عليش پور